Download contoh panyandra manten singkat dan Contoh Teks Prantacara Terbaru, Dalam adat pernikahan jawa baik menggunakan tatacara adat Solo ataupun Jogja pada sesi-sesi tertentu sering Pranatacaranya memberikan panyandra agar memberikan suasana menjadi lebih hidup.
Panyandra sendiri bisa dimaknai seperti menarasikan keadaan yang berlangsung dengan menggunakan tatabahasa dan intonasi suara.Bagi yang ingin mendalami mengenai MC Bahasa Jawa Khususnya di acara pernikahan dapat melihat artikel saya sebelumnya yang di situ saya berikan Contoh Teks Prantacara Terbaru, Artikel Panyandra Temanten Jawa Terbaru ini adalah lanjutan dari artikel saya yang sebelumnya tersebut. Langsung saja berikut adalah Contoh Teks Panyandra Temanten Jawa yang akan diawali dengan:
PANYANDRA MIJILIPUN TEMANTEN PUTRI (keluarnya pengantin putri dari kamar rias)
Binarung swaraning pradangga munya hangrangin,Hambabar Ketawang sekarteja/Puspawarna. Kaya ganda hangambar arum katiuping samirana manda. Kawistingal jengkaring temanten putri mijil saking panti busana.
Panti ateges papan busana ageman,mijil saking panti busana ateges miyos saking papan ageman nedya sumarak wonten ngarsanipun para tamu manjing ing salebeting sasana pahargya.
penganten putri hangagem busana kang sarwaretna hangemba busananing garwa nata. Katon pating galebyar pating pancurat ,lamun rinumpaka ing ukara yayah sileh prenah
Hangagem puspita rinonco ingkang ukelira kasampiraken ing pamidhangan kanan, lamun katiyuping samirana kongas gandane hangegi sajroning sasana pahargya.
Endaah edining busana hangimbuhi gandhes luwes solah bawane, lamun cinandra ical sipating jalma sawantah pan yayah Bathari Ratih ngeja wantah.
PANYANDRA PRAPTANING TEMANTEN KAKUNG (kedatangan pengantin putra)
Geteeeer pater kaya ana teja kang manter, horek sanjawineng sasana pahargya bebasan sorak hambata rubuh swarane. awit kena pangaribawane risang temanten kakung ingkang ketingal agung,ageng lan wibawa.
Temanten kakung lamun cinandra bebasan kurang candra luwih warna. dasar pekik ing warna, dedek pidheksa pangawak pradata. langkun-langkung sinasaban busana kang tinaretes benang kencana, sumunar agilar-gilar nanging datan hambelerengi. Saya malih hangagem dhestar hangemba nata tan ana kan kuciwa
Dampyak-dampyak para kadang kaliyan warga wandana alur selur ndalidir tan ana pedhote ingkang samya kangayap hambayangkara tindakipun temanten priya.
Wus ndungkap unggyan kang tinuju ,gya lumadi laksitaning adicara pasrah tampa.
PANYANDRA TEMANTEN PANGGIH / TEMON
Reeep tidhem premanem, datan ana sabawane walang salisik, bebasan gegodhongan tan ebah awit samiran tan lumampah, kang kapyarsa amung swaranya pradangga lokananta ingkang munya ing sasana wiwaha,senadyan hamung lumantar swaraning pita swara.Awit sedaya kalawau kena pangaribawane kang samya binoja krama.
Tuhu wes pinesti ana titahing Gusti ingkang asipat jalu lan wanita ingkang nedya ngancik ing ngalam madya hanenggih sambut silaning akrama
nulya kumlawe astane temanten putri sarwi hambalang gantal mring temanten priya kang winastan Gondhang Kasih
Datan saranta temanten kakung gya amales hambalang gantalmring temanten putri kang winastan Gondhang tutur.
KETIKA MENGINJAK TELUR
Kawistara kanang antiga tiapak padha pecah sanalika deningtemanten kakung, bpunika asung pralampita bilih temanten kakung calon dados lantaraning tuwuh/wiji ingkang suci,pratima bangkit tata jalma,putra kinarya tetalining akrama.
KETIKA CUCI KAKI
Tanggap temanten putri gita-gita hanjengku mring pepadhaning keng raka,sarwi sumembah sarta hamiji pepadhaning ingkang garwa
KETIKA SINDURAN
Titipurna adicara panggih, tumuli lumadi adicara sinduran,kawistara temanten kekalih sinengepan sindur ingkang kaaturaken dening ingkang Ibu.tanggapin sasmita ingkang Bapa gita-gita angasta poncoting sindur tumuli hanganthi putra temanten kekalih tumuju ing kursi palakrami.
Kawuryaaan alon-alon tindhake lan banget pangati-atine ingkang Bapa tuwin Ibu hanganthi putra temanten sekaliyan tumuju unggyan kang tinuju.Punika asung pralampita dhumateng kang binoja krama,mugi -mugi anggenipun nepusi jangkaning agesang mangun brayat anyar,tansah kebak ing pangati-ati ,datan grusa-grusu mundhak kesluru, tan milik barang kang elok jalaran keselak muluk.
KROBONGAN
Sesi ini ada:
bobot Timbang
tandur
kacar-kucur
dahar kembul
sesi selanjutnya adalah
SUNGKEMAN
Wus lengser saking palenggahan, risang temanten kakung hanganthi ingkang garwa sumarak wonten ing ngarsanipun ingkang Bapa tuwin Ibu,tumuli sumungkem lan ngabekti nyuwun idi pangestu anggenipun palakrama mugi tansah manggih bagya mulya,saget langgeng dumugi salami-laminya.
Bekti dhumateng ingkang Rama labet enget bilih ingkang rama wus sembada ngfukir jiwaraga dadya lantaraning tuwuh.
Parandene sumungkem dumateng ingkang ibu labet enget bilih ingkang Ibu wus kinarya papanig yoga brata salebeting nawa candra dasa ari, sarta hanglelithing wiwit alit dumugi akir dewasa,bebasan cilik digedhek.ke,bodho kapinterake.
Brool kanang waspa ingkang mijil saking anggenira temanten kekalih,tumibeng ing pangkone ingkang rama lan ibu kadya mutiara kang rinonce. kaladuk.e kang ngrumpaka basa bebasan banjir luh sarah waspa sajroning sasana rinengga.
contoh panyandra manten singkat
Swuh rep data pitana, hanenggih pundi ta negari, pundi ta desa, ingkang wonten wisma kang kaeka adi dasa purwa. Eka marang sawiji, adi tembung linuwih, dasa wilangan sepuluh, purwa wus ngarani marang kawitan.
Tinon saking mandrawa pranyata punika satunggaling wisma ingkang mapan ing setunggaling desa kang mujudaken pacrabakan ingkang panjang punjung pasir wukir gemaaaaaah ripah loh jinawi. Nenggih desa ........., kecamatan ........, kabupaten ............. adiningtyas.
Panjang, dawa pocapane. Punjung, dhuwur kawibawane. Pasir, pawedhen. Wukir, gunung. Loh, tegese subur kang sarwa tinandur. Gemah-ripah, ateges murah ingkang sarwa tinuku.
Wusnya mangkono, sanadyan kathah titahing wong bathara kang kasongan ing angkasa sinangga ing pratiwi kinepit ing samodra, parandene, maksih kathaaaaaah titah ingkang samya anggana raras. Awit ngupaya ing sewu desa tan antuk sedasa, satus datan waged jangkep ngaturnya ing kalih.
Mila mangkono, ing sedya hastuti mestuti murih lestantun lampahing budaya. Jinantur ing tutur. Katela tetela, kathah kang maksih trah ingkang dinama-dama, hanggung hanguri-uri lestantuning budaya. Pralambang kang matumpa-tumpa pindha wang-wing wilapa. Mastuti sabda pangandika ujaring para kina ingkang sampun jinempana ing maruta cinandhi ing awiyat, sarta mulat edi endahing budaya luhur marsudi mardawaning budaya tulus. Mangka atekad warsita gupita manggung. Panggung-panggeng panggunging wong sang murang tata, kinarya bebukaning panyandra.
Hanenggih punika wisma, mula kinarya bebukaning panyandra, setunggaling wisma ingkang rinengga-rengga sagunging kaendahan rerupen ingkang maneka warni, satemah adamel edi miwah asri ing pandulu. Sedaya kalawau mratandhani bilih sakalangkung ageng raos bombong kabingahanipun ingkang hangrenggani wisma hamangkugati, hanenggih panjenenganipun Bp ................ ingkang nembe kepareng mbinojakrama atmaja, hangrakit sekar cepaka mulya amiwaha putra mahargya siwi.
Punika ari kang katiti mangsa surya .....[7 Maret 2013]... pinilih minangka dinten sawiji, jinangka dados dinten kabingahan tuwin kabagyan. Mila punika kinempalaken para kadang para sentana miwah pitepangan, mitra lan kanca, kinarya regenging pawiwahan lan pahargyan, pinuji ing suka winantu ing raharja lan basuki.
Mila mangkono, punika luhur-sucining sedya andadosaken adeging desa dados satunggaling papan panggenan ingkang saya panjaaaang punjung dhuwur kawibawane, saya adoh kuncarane, saya jero tancebe, saya malembar jenenge, ingkang celak samya mentiung, ingkang adoh samya mentelung.
Sanadyan ta papan jembar dados katon rupak, bebasan tumpang cukit tepung taritis, anamung setunggal kewala datan wonten warga punika desa ingkang alampah cecengilan punapadene memengsahan lan sesatron. Tansah guyub rukun, datan wonten ingkang alaku drengki, srei, jail-methakil menapadene panasten, tinebih ing laku durjana lan dur angkara. Satunggal kewala datan wonten ingkang kari, tansah samya sakyeg saeka-praya hangagem budi utama tumuju mring kautamen.
Pinunggel semanten rumpaka panyandraning kawontenan, awit yen ta cinandra jangkep sedinten sedalu natas mboten wonten pedhote, bebasan, turah warna kurang candra.
Gampange wong kang munggel kawi, sang panatacara sigra hangacarani pawiwahan samangke. Wonten galap gangsuling atur anggen kula hanyandra kawontenan, mugi diagung ing pangaksama.
Nuwun.
Demikian tadi contoh teks panyandra temanten terbaru.untuk penggunaannya bisa disesuaikan keadaan dan tentunya bisa ditambah atau dikurangi sesuai kebutuhan.Sebagai pranatacara tentunya harus bisa memahami pula gending-gending yang diperlukan pada setiap sesinya.seperti:
mijilipun temanten putri
praptaning temanten kakung
panggih
krobongan
mapak besan
sungkeman
photo temanten
pambagya harja
panutup/purna
Maka dari itu saya juga mempersiapkan koleksi Gending-gending untuk pahargyan pernikahan adat jawa yang bisa di download disini. Jika ingin mengetahui urutan acara pada pernikahan adat Jawa bisa klik di sini.
Sebagai MC Bahasa Jawa atau pranata cara kadang juga sering diminta untuk memasrahkan penganten atau juga menerima pasrah ataupun juga untuk pambagya harja. untuk contoh teksnya bisa diprelajari di disini.
Demikian tadi contoh panyandra temanten Jawa terbaru, jika ini diras bermanfaat tolong dibagikan ya. salam budaya.
0 komentar: